money4music.com





Make Money Uploading TABs, Chords, Lyrics and Scores


Kishore Kakade
Tumhara kishore
Poetry




Report
Register to upload music/lyrics and to make some money.

Please rate out of 5 (where 5 is amazing and 1 is terrible).

Tumhare intzar me sadiya beet gayi.. tum aa to gayi par ek pal bhi na ji saka tumhare saath.. na
dekh saka un khwabo ko haqikat me badalte huye.. na dekh saka khud ko tumhari zeel si badi ankho
me.. tum thodi der aur ruk jaati to shayad.. shayad kuch sapne ji leta tumhari baho me... 

Zindagi haseen hai.. tumse milkar jannna tha mujhe ye.. lekin tum aayi bhi to jaise return ticket ho
kisi train ka..  mai platform par baithkar sirf intzar hi karta raha.. tumhare aane se pehle bhi..
aur jaane ke baad bhi...

Mai akela hi hu is chaar diwaro ke bich.. woh berang si deeware.. woh khidkiya chupchap si padi
rehti hai ghar ki kisi badi budhi naani ki tarah.. na kehti hai kuch na sunti hai meri baat... 


Tumne to alvida keh diya.. kuch soch bhi liya hota.. ki mere aane se pehle koi nahi tha.. mere aane
ke baad kamse kam woh akela to nahi hai.. lekin nahi... tumne apni soch ko kisi train ki patri par
fenk diya hoga.. aur isiliye apne is jism ko lekar apne aap me hi ghoom rahi ho kahi... 
Pyara naam ka ek baccha tha nanha sa.. usse dhundne ke liye.. lekin afsos... ke woh dab gaya hai
tumhari be-azad saanso ke niche...

Lekin ek sach kahu...
Mai ab bhi wahi par hu.. tumhare intzar me sadiya bitata hua.. tumhare aane ki khushi me aur jane ke
gum me jita hua.. 

Tumhara kishore... !


Make MoneySearchLoginRegisterContact